Асланӡиа иҳәеит сынтәа ачаи аҿыхра заа ишалагаз ҵыԥх аасҭа, уажәшьҭа мызкы ҵуеит аусурақәа ирылагеижьҭеи.
"Хымш-ԥшьымш иҿаҳхша аанханы иҟоуп маитәи ачаи аҽаҩра аҟынтә. Уажәы арҟәадра ҳаҿуп. Сынтәала иҟоу 10 гектарк рҟынтәи 6-7 тонна ҿаҳхьеит. Зхаҭабзиара ҳарку ауп иҿаҳхуа азы, ачаи маҷны иалаҳгоит. Ҵыԥх аԥсшьаҩцәа ыҟанаҵы Аԥсны аҩнуҵҟа иаҳҭит ҳчаи зегьы. Ашықәс аҩнуҵҟа аҭыԥантәи адәқьанқәа ҳадҵаалон ачаи азы, аха ҵыԥх ҳамҽхак ҭбаамызт азы ирыдаагалоз ҳамаӡамызт. Сынтәа иаҳа ҳманшәалоуп, амш иаҳнаҭар, еиҳаны иҿаҳхар ҳҭахуп", - иҳәеит Асланӡиа.
Ҵыԥх ачаи аиқәаҵәа мацара акәын ирҭиуаз, сынтәа аиаҵәеи аҩежьи аџьармыкьахь инаргарц ргәы иҭоуп.
Аицәажәара инеиҵыхны ишәаҳар шәылшоит аудиофаил аҟны.