БРИКС ахәмаррақәа мҩаԥысуеит Казан рашәара 12-23 рзы. Урҭ ирылахәуп Аԥсны назлоу атәылақәа 91. Ҳтәыла ахьӡала иқәгылоит 62-а аспортсменцәа 13 спорт хкы рыла.
БРИКС аҟны аԥсуа бираҟ иаҵагылан иқәгыло аспортсменцәа ирыду аҭакԥхықәреи, ахәмаррақәа лшарақәас ирнаҭои, Аԥснызы ҵакыс иамоуи рзы арадио Sputnik аҟны ргәаанагара рҳәеит ауаажәларратә усзуҩы Низам Ҳапатт, Зых иақәиҭу аиқәԥаразы Аԥсни Урыстәылеи зҽаԥсазтәыз азыҟаҵаҩ Џьарназ Бениеи.
Шәахәаԥш арадиостудиаҟынтәи инарҭбаау авидеонҵамҭа.