Галаа ҷыдала араса аарыхра рҽадырҳәалоит. Сынтәа аурақәа уаҳа назҭахымкәа ибзиахеит иҳәеит аиҿцәажәараҿы Шьониа.
"Быжьнызықь гектар инахыҳәҳәо араса иаҵанакуеит. Уи анхацәа рхаҭақәа еиҿыркааз арасаҭрақәа роуп. 12-нызықь тонна рҟынӡа аҽаҩра ҳақәгәыӷуеит. Исгәалашәоит аҽаҩра бзиақәа аныҟаз ашықәсқәа 2015, 2016. Усҟан 17-нызықь тонна рҟынӡа еизыргон. Ари аԥсабара иҟанаҵо усуп. Сынтәа ишцо ала даара ибзиоуп", - иҳәеит Шьониа.
Гал араион агроном хада еиҭеиҳәеит, арасаҭрақәа реиқәырхаразы шықәсқәак раԥхьа имҩаԥгаз аусура атәы, уажәы ишахылаԥшуа, ишырхәшәтәуа.
Аиҿцәажәара инеиҵыхны ишәаҳар шәылшоит аудиофаил аҟны.