АҞӘА, ԥхынгәы 5 - Sputnik. Санкт-Петербург агубернатор Александр Беглов Аҟәа ахада Беслан Ешба Аҟәа Амш идиныҳәалеит.
""Санкт-Петербурги Аҟәеи аиҩызаратәи апартниортәи еимадарақәа рыдагьы адоуҳатә беиарақәа еидырҳәалоит. Ижәытәӡатәиу, зқьышықәсалатәи аҭоурых змоу, Аҟәа ақалақь еицырдыруеит иуникалтәу аҭоурыхтә баҟақәа, аҳауа зҩыда, хәызмаӡам акультуратә ҭынхақәа рыла", — ҳәа аҳәоит адныҳәалараҿы.
Беглов Ешбеи аҳҭнықалақь ауааԥсыреи иҭабуп ҳәа реиҳәеит хаҭала иареи петербургтәи аофициалтә делегациа алахәылацәеи ирырҭаз адкылара иаҵаз аԥхарразы, иаадырԥшыз асасдкыларазы.
Аҟәа ақалақь Амш есышықәса ԥхынгәымза раԥхьатәи асабшазы иазгәарҭоит. Сынтәа иара ԥхынгәы 6 иақәшәеит.