Аԥснытәи аделегациа алахәуп Грозныи имҩаԥысуа Кавказтәи аинвестициатә форум. Жәлар реизара адепутат Бадри Ԥлиа арадио Sputnik аефир аҿы Аԥсны аекономика аминистр Кристина Озгани Урыстәыла аекономикатә ҿиара аминистр Максим Решетникови рнапы зҵарҩыз атәылақәа рыбжьара атауарқәа рыла ахәаахәҭразы арежим азы аиқәшаҳаҭра аԥсахрақәа ралагаларазы Аԥкаанҵа ахҳәаа аиҭеит.
Ԥлиа иҳәеит, иалагалоу аԥсахрақәа атәылазы ус бзиоуп ҳәа. Афорум аҿы иӡыргаз аԥсуа стенд акәзар, азҿлымҳара аман, ҳәа наҵишьит иара.
Иаҳа инарҭбааны аиҿцәажәара шәаҳар шәылшоит аудиофаил аҟны.
Есышықәса имҩаԥысуа афорум сынтәа иатема хадоуп — "Кавказ Ду — мшынк инаркны мшынк аҟынӡа". Ауснагӡатә амшхәаԥштә Нхыҵ-Кавказтәи аокруг аинвестициақәа радԥхьаларазы арҿиара азҵаара хадақәа ирызкуп.
Афорум апрограмма атематикатә хәҭақәа рыла ишоуп — аинвестициақәа, абанктәи афинансқәеи рсектор, ацифратә економика, анаплакра, ааглыхра, ақыҭанхамҩа, ретеил, амедиақәа, асанаторттә-курорттә хырхарҭа, атуризм, атраснспорти алогистикеи, аенергетика.