Аԥснытәи аҳәынҭқарратә университет астудентцәа "агрономиа" ахырхарҭаҟны аҵара зҵо Кәахәара афермертә наплакқәа рҟны ацитрусқәеи ашьхарыжь хки рааӡаразы аҭҵаарадырра-практикатә семинар рзымҩаԥган. Астудентцәа иддырдырит ашьхарыжь ааӡара атехнологиа, уи аҿыхшьа, аҵәахышьа, изызҿлымҳаз азҵаарақәа рҭак рырҭеит аҭыԥ аҟны.
Агроном изанааҭ алызхыз астудентцәа аԥышәа роуразы аԥхынтәи рпрактика шымҩаԥысуа, рдыррақәа рхы иадырхәарц азы изҭаар рылшо иарбан наплакқәоу ртәы еиҭарҳәеит арадио Sputnik аефир аҟны Гал араион Кәахәара ақыҭа ашьхарыжь ахьаадрыхуа иҟаз агронџьныртә факультет арҵаҩы Асҭан Арџьениеи амагистрант Амир Махариеи.
Аицәажәара шәахәаԥшыр шәылшоит арадиостудиаҟынтәи авидеонҵамҭаҿы.