Аҩӡба иазгәеиҭеит, мызкы аԥхьа аусура иалагеит, асасцәа аднакылоит ҳәа. Ашоура бааԥсы ахьгылоу акәу, Аԥсныҟа иаауа ауаа рхыԥхьаӡара маҷу, сынтәала иааиуа иаҳа имаҷушәа ҳбоит, иҳәеит иара.
"Иҟоуп мышкы иааины, аҳәынҵәа рыхьшьны, афотоқәа ҟаҵаны ицо. Иҟоуп 5-10 мшы роума доусы ишинаало еиԥш иааиуа. Уи ҳгәы иахәоит. Ус еиԥш есышықәса иаҳзаауеит, иара ҿыц аӡырԥхақәа рыдкылара иалагогьы ыҟоуп", - иҳәеит Аҩӡба.
Аҩӡба еиҭеиҳәеит, Аԥсны аӡырԥхақәа дара-дара зегьы ишеиԥшым, иаҳҳәап, Цәкәаратәи атыҩша афҩы иаҳа иџьбароуп, имчуп. Насгьы ашоурақәа раан аӡырԥха аҭалара ахатә ԥҟара шамоу. Ауаҩы имоу атемпературеи аӡы атемпературеи анеиқәшәалак аҭалара ҟалоит ҳәа иԥхьаӡоуп. Усҟан ауаҩы изеицәахаӡом, игәгьы инархьӡом, иазгәеиҭеит иара.
Иаҳа инарҭбааны аиҿцәажәара шәаҳар шәылшоит аудиофаил аҟны.