Акәашаратә проект Eytsikәashow аԥшьбатәи аҳасабырбатә концерт мҩаԥысит Аԥснытәи аҳәынҭқарратә филармониаҿы.
Алахәылацәа дҵас ирыман ачечен жәлар рыкәашара ма адыга кәашара "Щэщэн" руак алхны акәашара.
Аҽазыҟаҵарақәа 25 мшы ицон.
Апроект иалагӡаны 6 концертк ҟалоит.
Еицыкәашо 14 гәыԥ актәи аҭыԥ азы еиндаҭлоит, аҳамҭа хада — 450 000 мааҭ, аҩбатәи аҭыԥ зго — 200 нызқь мааҭ, ахԥатәи аҭыԥ — 100 нызқь мааҭ роуеит.
Апроект зегьы иалагӡаны ироухьоу абаллқәа аныԥхьаӡаха ашьҭахь, актәи аҭыԥ агеит Саид Ҳагбеи Милена Ҭачулиеи рдует "Амацәыс".
Аҩбатәи аҭыԥ — Адгәыр Миқаиеи Илона Зыхәԥҳаи рдует "Ашьауардын амҵәыжәҩақәа".
Ахԥатәи — Адис Агрбеи Себина Зекир-оӷлыи рдует "Амцаԥшь".
Sputnik Аԥсны — апроект аинформациатә дгылара анаҭоит.
Аҵыхәтәан арҵаҩцәа Аслан Багаԥшьи Денис Инаԥшьбеи рҵаҩцәа афильм "Рокки" аҟны иаҳәо амузыка иацкәашеит.