Казантәи афедералтә университет ааԥхьарала ААУ аҟынтәи 27-ҩык астудентцәа рхы аладырхәит "Аԥхытәи ауниверситет" захьӡу апроект. Урыстәыла, Азербаиџьан, Беларусь, Африка, Бразилиа, Китаи, Индиа, Казахстан, уҳәа атәылақәа злахәыз зымҽхак ҭбааз апроект аҟны ҳастудентцәа рхы шаадырԥшызи, ари аԥышәа ирнаҭази атәы арадио Sputnik астудиаҿы иалацәажәоит агәыԥ анапхгаҩцәа ируаӡәку, аекономикатә факультет латәарадатәи аҟәша амаӡаныҟәгаҩ Марта Ашәԥҳаи, ААУ аекономикатә факультет 4 акурс астудент Сандро Логәуеи.
Иаҳа инарҭбааны аиҿцәажәара шәаҳар шәылшоит аудиофаил аҟны.