АҞӘА, ԥхынгәы 28 - Sputnik. Быжьҩык ауааԥсыра ахәышәтәырҭахь инагоуп Гагра аекскурсиатә автобуси амашьына ласи анааиха ашьҭахь ҳәа Sputnik иазеиҭеиҳәеит Аԥсны Аҳәынҭавтоинспекциа анапхгаҩы Дамеи Аҩӡба.
Иара иажәақәа рыла, авариа ҟалеит ԥхынгәы 27 ҵхыбжьон Гагра агәашьаркыра аҿаԥхьа. Урыстәылатәи аԥсшьаҩы автобус шааиуаз изгәамҭакәан зыԥсҟы зкыз амашьынала ахаҵәира далагеит, автобус шааиуаз амашьына лас аган иасит.
Аахақәа зауз фҩык амедицинатә цхыраара анроу иоурышьҭит. Амашьына лас иҭатәаз аԥҳәыс лыгәчамах хжәеит, аха лыԥсҭазаара ашәарҭара иҭагылам иҳәеит Аҩӡба. Ашьаусԥшааҩцәа аусура иаҿуп.