АҞӘА, ԥхынгәы 29 - Sputnik. Апарламент аратификациа азнауит Ҩынтә ашәахәтәқәҵара ҟамларци арҳамҭақәа рзы ашәахтә аганахьала ашәахтәқәҵара ацәхьаҵра алмыршареи рзы Аԥсни Урыстәылеи реиҳабырақәа рыбжьара Аиқәшаҳаҭра.
"Аиқәшаҳаҭра рзырхоуп Аԥсны Аҳәынҭқарреи Урыстәылатәи Афедерациеи илырхуа арҳамҭақәа рзы ашәахтәқәа, урҭ аҩҳәынҭқаррак рзакәанԥҵара инақәыршәаны, урҭ рылгашьа иахьмырԥшкәа", — ҳәа азгәеиҭеит Апарламент аҿы ахада есымшатәи ихаҭарнак Баҭал Аиба.
Адокумент анапы аҵаҩын лаҵарамза 7 2024 шықәса рзы Аҟәа, иагьырмазеин Аԥсни Урыстәылеи рзеиԥш социал-економикатә ҵакыра арҿиара аҳәаақәа ирҭагӡаны.