АҞӘА, нанҳәа 1 - Sputnik. Аԥсны раԥхьаӡа акәны иқәгылеит Ерик Сапаев ихьӡ зху Мариитәи аҳәынҭқарратә аопереи абалети ртеатр ақәыргыламҭа "Ромеои Джульеттеи" рыманы.
Атеатр Аԥсныҟа иааит апрограмма "Урыстәылеи Аԥсни ркультуратә усмҩаԥгатәқәа реиҭныԥсахлара" ала, уи азырхоуп аҩтәылак акультуратәи агуманитартәи усхкқәа рҿы рыстратегиатә партниорра арӷәӷәаразы иҳәеит Аԥсны иҟоу Урыстәыла ацҳаражәҳәаҩ Михаил Шургалин.
Аԥсны акультура аминистр и.н. Динара Смырԥҳа илҳәеит акрызҵазкуа ари усмҩаԥгатә атеатралтә ҟазара абзиабаҩцәа реигәныҩра арҭбаауеит ҳәа.
"Урыстәылеи Аԥсни ҭоурыхла акультура аганахьала аимадара бзиақәа рымоуп, урҭ шьаҭас ирымоуп апатуеиқәҵара, акультуратә традициақәа реиқәырхара, ҳзеиԥш ҭынха ахьчара", — лҳәеит лара.