АҞӘА, нанҳәа 2 - Sputnik. Аҟәа Жәларбжьаратәи ашахматтә фестиваль "Аԥсны-Open" аатит, уи ҩажәиҩбантәуп имҩаԥыргоижьҭеи.
Сынтәа иазԥхьагәаҭоуп 2015 шықәса рзы ииз аспортсменцәеи урҭ иреиҵбацәоуи рыбжьара, 2011 шықәса рзы ииз аспортсменцәеи урҭ иреиҵбабцәоуи рыбжьара, иара убасгьы адуцәа алархәны амҩаԥгара.
Аԥсны Ашахматқәа рфедерациа ахада Константина Ҭыжәба иажәақәа рыла, ауснагӡатә иалахәхоит 150 – 350 раҟара Аԥсни Урыстәылеи рспортсменцәа. Афестиваль иахьа инаркны нанҳәа 8-нӡа имҩаԥысуеит.