АҞӘА, нанҳәа 7 - Sputnik. Фридонна Аҩӡԥҳа лыцхырааразы агәыҳалалратә концерт мҩаԥысит астанциа "Гәыма" аҿы.
11 шықәса зхыҵуа аӡӷаб иӷәӷәоу алимфобласттә леикоз лымоуп, ахимиатерапиеи абӷашшаратә хшыбаҩ атрансплантациеи лзыҟаҵатәуп. Уи азы иаҭахуп 25,8 миллион мааҭ.
Афонд "Ашана" аиҳабы Мактина Џьынџьалԥҳа лажәақәа рыла, 12 шықәса афонд аус ауеижьҭеи ахәыҷы ихәышәтәразы ари аҩыза аидгылара рымбаӡацызт. Жәамшгьы мҵыцкәа 21 миллион мааҭ инареиҳаны еизган.
Аконцерт еиҿкаан Саида Габниаԥҳа лвокалтә студиа ааӡамҭацәа раԥшьгарала, уи иалахәын ахәыҷтәы ашәаҳәаратәи акәашаратәи коллективқәа реиԥш артистцәа еиҳабацәагьы. Иара убраҵәҟьа ахьыԥшьақәа ргылан, дарбанзаалак шаҟа илшоз аԥара уа иҭеиҵон.
Егьырҭ ацхыраара аҟаҵашьақәа ртәы еилышәкаар шәылшоит ателеграм-канал @fondashana аҿы, мамзаргьы афонд аофициалтә саит аҿы https://ashanakbf.com/ .