Иарбан мҩақәоу алҵшәа аазышьҭуа аԥсадгьыл ахь ахынҳәразы, аус зыдулатәу ахырхарҭақәа, изызхәыцтәу иалацәажәеит арадио Sputnik аефир аҟны Аԥсадгьыл ахь ахынҳәразы ахәынҭқарратә еилакы аиҳабы Вадим Ҳаразиеи Ауаажәларратә палата амаӡанныҟәгаҩ лхаҭыԥуаҩ, арепатриациазы акомиссиа анапхгаҩы Низам Ҳапат, убасгьы аицәажәара ихы алаирхәит Аԥсуа милаҭтә спорттә хәмаррақәа рзы Афедерациа анапхгаҩы Адгәыр Гәынба.
Ҳапат ицәажәараҟны иазгәеиҭеит иахьа хадаратәла аҿар шракәу аус зыдулатәу, Аԥсуа ҳәынҭқарратә универститет аҟны аҵара 4-5 шықәса изҵаз, араатәи ааӡара зауз иԥсадгьыл даҟәыҭханы дшыҟамло, дахьыҟазаалак иаԥсуа хдырра аус шауа.
Ҳаразиа иҳәеит амал змоу аԥсуа диаспора ахаҭарнакцәа Аԥсныҟа рааԥхьара шхымԥадатәиу, урҭ араҟа аргыларақәа, абизнес арҿиара аус ишадԥхьалатәу.
Аицәажәара шәаҳар шәылшоит аудиофаил аҟны хыхь.