SwimSukhum2024 алахәхаразы онлаин аҽҭаҩра аркуп, аха убри аан, иӡсар зҭаху аицлабра аҽны ашәҟәы иҽҭаигалар илшоит, ҳәа азгәалҭеит аиҿцәажәараҿы Ҷкадуаԥҳа.
"Алахәылацәа 200-ҩык раҟара ҟалоит ҳәа агәыӷра ҳамоуп. Зегь реиҳа аинтерес зҵоу адистанциа 3 километрак ауп. Уи адистанциа 70-ҩык алахәуп, урҭ рхыԥхьаӡараҿы иҟоуп аҭыԥантәи аспортсменцәагьы, насгьы Урыстәылантәи иаазгьы. Иаарту аӡаҿы аӡсара ихҭыс дууп аспорт абзиабаҩцәа зегьы рзы, уи ахә ҳаракны иршьоит", - ҳәа лҳәеит Ҷкадуаԥҳа.
Иаҳа инарҭбааны аиҿцәажәара шәаҳар шәылшоит аудиофаил аҟны.