Иԥсҭазаара далҵит аҭоурыхтә ҭҵаарадыррақәа рдоктор, ААР академик, "Ахьӡ-Аԥша" аорден II аҩаӡара занашьоу Олег Бӷажәба. Иара 83 шықәса ихыҵуан. Аҭоурыхтә культуратә баҟақәа рыхьчаразы аҳәынҭқарратә усбарҭа аиҳабы Гарри Сангәлиа арадио Sputnik аефир аҿы далацәажәеит Олег Хәыхәыт-иԥа иалагала атәы аҭҵааратә ус аҿы.
Даара аиҵахара ӷәӷәа ҳаурц ҳаҟоуп, археологцәа ԥызас дҳаман, ҳәа азгәеиҭеит иаҿцәажәараҿы Сангәлиа.
"Иара иҩызара, иаамсҭашәара, иҟазшьа бзиа еизыркәкәаны, ауаҩы игәы дамыргаӡакәа иҳалиршаз даара ирацәоуп", - иҳәеит Сангәлиа.
Иаҳа инарҭбааны аиҿцәажәара шәаҳар шәылшоит аудиофаил аҟны.
Олег Бӷажәба диит нанҳәа 1 1941 шықәсазы. Иара илагала дууп Аԥсны ажәытәӡатәи, ажәытәтәи, заатәи абжьарашәышықәсақәеи рҭоурых аҭҵаараҿы, дравторуп 150 инареиҳаны астатиақәеи, 15 монографиеи, ашколқәеи ауниверситетқәеи рзы арҵага шәҟәқәеи.
Аус ицызуаз ишырҳәо ала, Бӷажәба иеихьӡарақәа иреиуоуп ажрақәа раан иԥшааз амаҭәарқәеи Дамасктәи аихатә ҟамақәеи аамҭа рацәала рыҭҵаара. Уи илшеит ашьақәырӷәӷәара, аԥсуа еибашьцәа абас еиԥш иҟоу абџьарқәа рхы архәара мацара акәымкәан иара аџыр ахаҭагьы Аԥсны ишыҟарҵоз.
Аус ицызуаз ишырҳәо ала, Бӷажәба иеихьӡарақәа иреиуоуп ажрақәа раан иԥшааз амаҭәарқәеи Дамасктәи аихатә ҟамақәеи аамҭа рацәала рыҭҵаара. Уи илшеит ашьақәырӷәӷәара, аԥсуа еибашьцәа абас еиԥш иҟоу абџьарқәа рхы архәара мацара акәымкәан иара аџыр ахаҭагьы Аԥсны ишыҟарҵоз.