АҞӘА, нанҳәа 16 - Sputnik. Нанҳәа 15-16 руыха Урыстәыла Аҳауаҽацәыхьчаратә хархәагақәа Амшын еиқәа аҳауатә ҵакыраҿ украинатәи адоронқәа хәба карыжьит ҳәа аанацҳауеит Урыстәыла атәылахьчара аимнистрра.
"Иаха киевтәи арежим Урыстәылатәи афедерациа аҵакыраҿы аԥырҩы дызҭам ахархәагақәеи рыла атеррористтә жәылара амҩаԥгара рҽаназыршәоз Урыстәыла Аҳауаҽацәыхьчаратә хархәагақәа Амшын еиқәа аҳауатә ҵакыраҿ урҭ хәба карыжьит" ҳәа аҳәоит адырраҭараҿы.
Урҭ рыдагьы иҭархан аекипаж змамыз акатерқәа ҩба, Ҟрым аганахь зхы хаз. Киев аамҭа-аамҭала рҽазыршәоит ракеталеи аԥырҩы дызҭам ахархәагақәеи рыла Ҟрымтәи адгьылбжьахеи Амшынеиқәатә флот абаӷәаза хада Севастополи рыжәлара.