Гал араионтә еизара ахантәаҩы Беслан Канҭариа арадио Sputnik аефир аҟны еиҭеиҳәеит Шьашьикәара иҟоу агәамсамкаԥсарҭа арцәара ауадаҩрақәа шацу.
Шьашьикәара ақыҭан икьакьоу абзазаратә црыҵқәа реизакырҭатә дәы аҭагылазаашьазы иаԥҵоу аоперативтә штаб имҩаԥнагаз аилатәараҟны ақыҭа Шьашьикәара агәамсамқаԥсарҭахь агәамсам анагара аанкыларазы аӡбамҭа рыдыркылеит.
Аԥкрақәа алагалазаауеит агәамсамкаԥсарҭаҿ амца ырцәахаанӡа, насгьы аекологиатәи амцацәыхьчареи аҭахрақәа ирықәшәо иҟалаанӡа.
"Агәамсам ахькарыжьуаз аҭыԥ 11 гектар иназынаԥшуа иҟоуп. Х- гектрак инеиҳаны амца акуп, ааигәа-сигәа иҟоу ақыҭақәа 5-6 километра, аԥша анаслак, ажәлар даараӡа ауадаҩрақәа рызцәырнагоит, аҳауа рызхом. Уажәы ишәдыруеит араса аҟәшәара иаамҭоуп, аус рызуам. Амца ыцәарц азы, иҵжааны иаарҳәны амца ахьаку аӡы неироуп", - иҳәеит Канҭариа.
Иара иазгәеиҭеит амца арцәара ауадаҩрақәа шацу.
Аицәажәара инеиҵыхны ишәаҳар шәылшоит аудиофаил аҟны хыхь.