Аԥсуа ҳәынҭқарратә аҿар ртеатр 10-шықәса ахыҵит. Уи аиҳабы Аслан Еныкьи, актиор Мдар Сақаниеи арадио Sputnik астудиаҿы иалацәажәеит, атеатр аартра шыҟалаз атәы, иахьа уи аусура шышьақәгылоу, иарбан қәыргыламҭоу еиҳарак ақәҿиара зманы ахәаԥшцәа ирылаҵәаз, насгьы атеатр ахаҭа дара рыԥсҭазаараҿы иаанакыло аҭыԥ.
Аҿар ртеатр - доуҳатә хәышҭаароуп, аԥсуа культура, аԥсуа бызшәа зырҿио акакәны иҟоуп иҳәеит аиҿцәажәараҿы Еныкь, атеатр аԥҵара шаԥшьгахаз атәы далацәажәауа. Иара еиҭеиҳәеит уи аартра хықәкыс иамаз, насгьы актиор ҿарацәа рзы ҵакыс иаиуз.
Иаҳа инарҭбааны аиҿцәажәара шәаҳар шәылшоит аудиофаил аҟны.