АҞӘА, нанҳәа 26 - Sputnik. Аԥсни Аахыҵ Уаԥстәылеи рыдәныҟатәи аусқәа рминистррақәа 2024-2025 шықәсқәа рзы аконсультациақәа рыплан рнапы аҵарҩит Сергеи Шамбеи Ахсар Џьиоеви.
Шамба Џьиоев иҭабуп ҳәа иеиҳәеит Ахьыԥшымра азхаҵара амш азы дахьааз.
"Ари амш ааигәахарц аџьабаа рбахьан аԥсуа абиԥарақәа жәпакы, урҭ ахақәиҭра, ахьыԥшымра, ҳзинқәа ирзықәԥон. Аԥсадгьыл аҵеицәеи аԥҳацәеи аӡәырҩы рхы ақәырҵеит ҳмилаҭқәа рҭынч ԥсҭазааразы. Раԥхьа ари ҟалеит Аахыҵ Уаԥстәыла, нас Аԥсны", – ҳәа азгәеиҭеит аминистр.