Гал араион агәамсамеизакырҭаҿы амцарцәара аԥыхразы Аҟәантәи инашьҭу атехника ҷыда аусура иаҿуп ҳәа арадио Sputnik иазеиҭеиҳәеит араионтә еизара ахантәаҩы Беслан Канҭариа.
Ас еиԥш аӡбамҭа рыдыркылеит иацы аҳҭнықалақь ахада Беслан Ешба араион даҭааны аилацәажәара анымҩаԥырга.
Атехника ҷыда аус ауеит амца арцәаразы, иҭыжааны агәамсам ҭажьны анышә ахарԥсоит. Галҟа иахьа инашьҭын ҩ-машьына дуки атрактор дуқәа ҩбеи, иҳәеит Канҭариа.
Иара иажәақәа рыла, Гал агәамсамеизакырҭаҟны амца арцәара шаҟа иадхало макьаназы аҳәара уадаҩуп, избанзар амҽхак ҭбаауп.
Аицәажәара инеиҵыхны ишәаҳар шәылшоит аудиофаил аҟны хыхь.