Аԥсны ашьапылампыл азы ачемпионат хацыркуп. Асезон ҿыц иалахәу акомандакәа, дара разыҟаҵара аҩаӡара, ашьапылампыл аҿиара шымҩаԥысуа, уадаҩрас иҟоу атәы арадио Sputnik аефир аҟны далацәажәеит Аԥсны ашьапылампыл Афедерациа апресс-атташе Алхас Манаргиа.
Ашьапылампыл азы иреиҳаӡоу алига Аԥсны "Супер-лига" сынтәагьы, ҵыԥх еиԥш, аа-командак алахәуп иҳәеит Ашьапылампыл азы афедерациа апресс-атташе Алхас Манаргиа. Урҭ акомандақәа "Гагра", "Нарҭ", "Динамо", "Бзана", "Ерцахә", "Афон", "Риҵа", "Саӡ" роуп. Аԥсны актәи алига ҳәа иԥхьаӡоу Амилаҭтә шьапылампылтә лига акәзар, уи сынтәа иалахәуп 11 команда — "Бзыԥ", "Ҷлоу", "Самырзаҟан, "Динамо 2", "Уарча", "Саӡ 2", "Лыхны", "Риҵа 2", "Аӡҩыбжьа", "Гагра 2", "Шахтиор".
Манаргиа иажәақәа рыла, ари алигаҟны сынтәа ацәыӡ ҟалеит — "Ешыра" акоманда алахәхаӡом, раԥхьа иргыланы ашьапылампыласыҩцәа разымхара иахҟьаны.
Аицәажәара инеиҵыхны ишәаҳар шәылшоит аудиофаил аҟны хыхь.