АҞӘА, цәыббра 7 - Sputnik. Аԥсуа ҽааӡаҩцәа рҽыҩқәа аиааирақәа ргеит Нальчиктәи аҽырҩырҭаҿы ҳәа аанацҳауеит Аԥсны Аспорт азы аҳәынҭеилакы.
Ахра Ашәба иҽы Марискаль аиааира агеит ҩышықәса зхыҵуа араԥ шьа злоу аҽқәа рыбжьара Априз ду азы 1400 метра иҟоу аиԥхныҩлараҿы.
Саид Сақаниа иҽыҩ Аԥсны Мечта раԥхьа иааит ҩышықәса зхыҵуа англыз шьа злоу аҽқәа рыбжьара Нальчиктәи аҽырҩырҭа 85 шықәса ахыҵра иазкыз 1400 метра иҟаз аиԥхныҩлараҿы.
Нодар Ҵышәба иҽыҩ Радеда ахԥатәи аҭыԥ агеит хышықәсеи инеиҳани изхыҵуа англыз шьа злоу аҽыҩқәа рыбжьара Нальчик 300 шықәса ахыҵра иазкыз Априз азы.