АҞӘА, цәыббра 8 - Sputnik. Еиду аштатқәа асанкциақәа аларгалеит Урыстәылатәи АИХқәа рганахь ала, убри аан иара аҩыза-ҳәынҭқаррақәа АИХқәа рзы аԥаразоужьра амҩаԥгара азин рырҭоит ҳәа РИА Новости иазеиҭеиҳәеит америкатәи ажурналист Џьексон Хинкл.
"Ари маҷк иччархәуп убри аан иагьлахьеиқәҵагоуп, избанзар ҳара иаадыруеит Канада, Великобританиа, Израиль уҳәа ҳадгылаҩцәа, ҳҩызцәа ирымоуп азин АИХқәа аԥара рзоужьра. Урыстәыла, Анцәа иумҳәан, усеиԥш ҟанаҵар, аиаша аҳәар адунеиаҿ иҟоу азы - ҟалашьа амам", - иҳәеит Хинкл Мрагыларатәи аекономикатә форум аҟны аинтервиу ҟаҵо.
Ажурналист иҳәеит ЕАА ахада иалхрақәа шааигәахо , абҵарамза ааигәахацыԥхьаӡа Вашингтон анапхгара рҟынтә ацензура еиҳагьы ишыӷәӷәахо.
Еиду аштатқәа асанкциақәа аларгалеит МИА "Россия сегодня", РИА Новости, RT, Sputnik, Ruptly, Маргарита Симониан, RT аусзуҩцәақәак рганахь ала. Вашингтон агәаанагарала "Россия сегодня" иара иаҵанакуа аиҿкаарақәа "аҳәаанырцәтәи амиссиақәа" ҳәа ишьалатәуп урҭ Урыстәыла аиҳабыра рнапаҵаҟа "иахьыҟоу" азы.