АҞӘА, цәыббра 10 — Sputnik. Узбекисҭан атәылауаҩ иҽазишәеит 45,7 кьыла насваи захьӡу аҭаҭынаалыҵ Аԥсныҟа алагалара ҳәа аанацҳауеит Краснодартәи аҳазылхра Шәача ақалақь апресс-маҵзура.
Урыстәылатәи аҳазалхыҩцәа Chevrolet Captiva ааныркылеит аушьҭырҭатә ҭыԥ "Адлер" аҿы. Аныҟәцаҩ агәҭычымзаара иман, убри аҟнытә амашьына агәаҭарахь инарышьҭит.
Аҭаҭынаалыҵ зҭаз ааилаҳәарақәа рбеит акәыр-цҵа аҩнуҵҟа, атәарҭа аҵаҟа, арҭмаҟ аҟны, акьаҿ амаӷраҿы.
35-шықәса зхыҵуаз, иааныкылаз иҳәеит ари аҭаҭынаалыҵ Аԥснытәи идырцәа иҟарҵаз аҳәарала ишигоз, азакәан шеилеигоз шизымдыруаз. Иигоз атауар имхуп. Административтә зинеилагаразы аус хацыркуп.