31 шықәса раԥхьа 1993 шықәса сентиабр 16 рзы аԥсуа ар Аҟәа ахақәиҭтәразы ажәылара иалагеит. Аҳтнықалақь аӷа иалцаразы 11 мшы ицоз ажәылара шеиҿкааз, ҳаруаа шазыҟаҵаз, иарбан дҵақәоу ирзықәгылаз, ақырҭуа мпыҵахалыҩцәа иҟарҵаз аҿагылара атәы, арадио Sputnik аефир аҟны игәалаиршәеит Аҟәа Самаҭхәа ихәы ала аҳҭнықалақь ҭазырцәоз агәыԥ "Шьараҭын" аибашьҩы, иара агәыԥ напхгара аҭара зықәшәаз Аԥсны Афырхаҵа Гәырам Инаԥшьба.
Милаҭк аҳасабала ҳаиқәхарц азы аибашьраҟны ҳмаиааир ауамызт, Аҟәа ахақәиҭтәра зегьы зыӡбаз хҭысхеит, аӷа ҿагылара ӷәӷәак изыҟамҵеит, иҳәеит аибашьра аветеран.
Иара иазгәеиҭеит аибашьра ҭызҵаауа рдыррақәа рыла, ижәыло хынтә-хәынтә еиҳазар шакәу аҭыԥ аанкыланы изыхьчо раасҭа.
"Абас зхыԥхьаӡара маҷыз жәыланы зхыԥхьаӡара рацәаз ириааиуа ахьыҟалахьоу аҭоурых аҿы џьара иҟазаргьы, исԥымлацт. Аибашьра амҩаԥгашьа ҳа ҳҟын аҽаԥсахит, иара макьана уаҩҵас
иҭҵааӡам акәымзар, ара иҭуҵааша рацәоуп. Аибашьраҟны ирацәоуп ҳҷыдара иалаҳгалаз, ҳаибашьышьа, ҳхымҩаԥгашьа хазын. Аӷа хыԥхьаӡарала, бџьарла дҳаиҳауп ҳәа акгьы аӡбаӡомызт", - иҳәеит Инаԥшьба.
иҭҵааӡам акәымзар, ара иҭуҵааша рацәоуп. Аибашьраҟны ирацәоуп ҳҷыдара иалаҳгалаз, ҳаибашьышьа, ҳхымҩаԥгашьа хазын. Аӷа хыԥхьаӡарала, бџьарла дҳаиҳауп ҳәа акгьы аӡбаӡомызт", - иҳәеит Инаԥшьба.
Аицәажәара инеиҵыхны ишәаҳар шәылшоит аудиофаил аҟны хыхь.