АҞӘА, цәыббра 16 - Sputnik. Аԥсны Аҩнуҵҟатәи аусқәа рминистр Роберт Кьиут анапынҵа ҟаиҵеит ареспублика атәылауаа ҩыџьа рықәлара афакт иаарласӡаны иҭырҵаарц.
Аминистр аилацәажәара мҩаԥигеит ари азҵаара инамаданы, ашьаусԥшаара ацашьа уи изеиҭеиҳәеит Аҟәа араион аҩнуҵҟатәи аусқәа рыҟәша аиҳабы Русҭам Бжьаниа.
"Ҳара ари аус ишақәнагоу иҭаҳҵаароуп, ари аҵак ду амоуп. Обиективла ашьаусҭҵаара ҳазнеироуп, иаҭаху амчи алшареи адаҳҵароуп иҟалаз шыҟалаз аилкааразы", — иҳәеит Кьиут.