Санкт – Петербург имҩаԥысуеит Амшын аалыҵ ацәыргақәҵа иазку абыжьбатәи жәларбжьаратәи афорум. Ари жәларбжьаратәи Аԥсыӡиндустриеи, амшынаалыҵи уи атехнологиақәеи еидызкыло аусмҩаԥгатә иалахәуп Аԥсны ақыҭанхамҩа министр Беслан Џьапуа напхгара зиҭо аделегациа. Иарбан лшарақәоу афорум алахәцәа ирнаҭар алшо аԥсыӡааглыхра ахырхарҭала аусутә арҭбааразы, абри атәы, афорум аҟынтә, арадио Sputnik иазеиҭеиҳәеит Беслан Џьопуа - Аԥсны ақыҭанхамҩа аминистр.
Аԥсны азауадқәа ироуа аалыҵ Урыстәылаҟа агаразы шәҟәыла еиқәыршәам рацәаҩуп, ҳәа азгәеиҭеит аиҿцәажәараҿы Џьопуа. Иара иажәақәа рыла афорум аҿы аделегациа идикылеит "Росрыболовство" аиҳабы Илиа Шестаков. Убраҟа ишьҭыхын уи азҵаара. Аиԥылараҿы иӡбан аҩусбарҭак анаҩс ашәҟәқәа рыбжьарҵарцаз, апроблема аԥыхразы.
Џьопуа иҳәеит, афорум ахаҭаҿы ишеиҿкааз ацәыргақәҵа даара аинтерес зҵаз аԥсыӡааӡара аганахьала, иӡырган иҿыцу атехнологиақәа. Ари аус Аԥсны знапы алаку анаплакҩцәа ирыман алшара урҭ рбара, анаҩс рус аҿы ахархәаразы.
Инарҭбааны аиҿцәажәара шәаҳар шәылшоит аудиофаил аҟны.