Аԥснытәи Аҳәынҭқарратә университет аҿы 2011 шықәсазы аусура иаларган Нарҭдырреи адәынтәи афольклорҭҵаареи рцентр. Уи ахықәкы хадақәа иреиуоуп аԥсуа жәлар рдоуҳатә культура злашьақәгылаз, излаҿиоз абеиарақәа реидкылареи реиқәырхареи. Иахьа аусура шымҩаԥысуа, ирацәоума еидкылоу аматериалқәа, аекспедициақәа рымҩаԥгаразы лшарақәас ирымоу, иҟоума иахьа ажәабжьҳәаҩцәа абарҭқәа ртәы арадио Sputnik аефир аҟны еиҭарҳәеит Нарҭдырреи адәынтәи афольклорҭҵаареи рцентр анапхгаҩы, академик Зураб Џьапуеи уи ихаҭыԥуаҩ Адгәыр Какобеи.
Ааигәа Нарҭдырра ацентр хаҭәаан Зураб Џьапуа 1980-тәи ашықәсқәа инадыркны еизигоз афольклортә нҵамҭақәа зну акассетақәа150 рыла.
Аицәажәара шәаҳар шәылшоит аудиофаил аҟны хыхь.