АҞӘА, цәыббра 23 — Sputnik. Шәачеи Сириуси цәыббра 22 инаркны 25 рҟынӡа амш бааԥсхоит ҳәа рылаҳәоуп.
Аҳауагәаҭыҩцәа ишаарыцҳауа ала ақәаршҩы ӷәӷәеи, адыдмацәыси, акырцхи ҟалоит, иара убас, секәындк ала аԥшаласра 27 метра инаӡоит. Амшцәгьа иахҟьаны аӡқәа шьҭыҵыр алшоит, ашьхарахь аҳәынҵәеиларшьшь леир ҟалоит.
Цәыббрамза 23, 24, 25 рзы Магри-Веселое иахьаҵанакуа амшын аҿы аԥшеиларҳәа цәырҵыр алшоит.
Шәача ақалақь амаҵзурақәа зегьы русура рӷәӷәоуп. Ақалақь ауааԥсыреи асасцәеи амшцәгьақәа инарыдҳәаланы ргәы рҽанырҵоит. Ирабжьыргоит ашьхаҟа ныҟәара имцарц, аӡиасқәа рааигәара аԥсшьарҭаҭыԥ алрымхырц, амашьынақәа аҵлақәеи аихатә конструкциақәеи ирыҵадмыргылаларц.
Аԥсны цәыббрамза 23 рзы аамҭа -аамҭала ақәа леилоит, адыд-мацәыс ацны. Аҳауаԥхарра ҽынла +26°С.