Акомпозитор, амузыкатә продиусер, 150 инареиҳаны ашәақәеи акомпозициақәеи равтор Анри Гәымба акультуреи аҟазареи рҿы иааирԥшыз илшамҭақәа рзы "Аԥсны аҟазара зҽаԥсазтәыз аусзуҩ" ҳәа аҳаҭыртә хьӡы ихҵоуп.
Избан акомпозитор ҩ-хьӡык зимоу, дызҭаз аҳақьым изанааҭ ала иҵара ааныжьны даҽа мҩак дзанылаз, раԥхьатәи иашәа шаԥиҵаз, насгьы ҿиарас иамоузеи иахьа аԥсуа естрадатә музыка — абри атәы иара арадио Sputnik аефир аҿы далацәажәеит.