Баслахә инхо арҵаҩы Роберт Хоҷаа арадио Sputnik аефир аҟны адырраҭара "Ақыҭа-нхарҭа ҭыԥуп" аҿы еиҭеиҳәеит нхаҩык иаҳасабала имш шышьақәгылоу, шаҟа рзы ашьыжь дгыло, инапы злаку аусқәа, Очамыра ашкол аҟны иарбан маҭәару ириҭо ахәыҷқәа, иҭаацәа, иқыҭауаа иахьазы рхы зланыҟәарго, ирыгу-ирыбзоу, рура аҭиразы аҭагылазаашьа зеиԥшроу.
Аицәажәара шәаҳар шәылшоит аудиофаил аҟны хыхь.
Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши иацу адоуҳаи, иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.