Ахеидкыла иахьазы иалоуп 45 -ҩык. Аԥсны ахы-аҵыхәа зынӡа 500-ҩык рҟынӡа зыбла иамбо ауаа ыҟоуп. Аилазаара аҳәынҭқарра аҟынтә ацхыраара амам. Изларылшо ала рхы ныҟәыргоит.
"Дҳамоуп амҿыуасҭа. Аха иара амаҭәахә ахьизаамхәо иахҟьаны аус изуам. Убри аан аилазаара иамоу ауадақәа арендала ираҳҭоит. Уи аҟынтә иҳамоу ахашәала анаҩс ацхыраара зҭаху ираҳҭоит", - ҳәа иҳәеит Қапба.
Иара убасгьы далацәажәеит аибашьра ҟалаанӡа зыбла иамбо ауаа реилазаара иатәыз ахыбра аиҭаргьежьра шырҭаху, аха уи азҵаара макьана иӡбамкәа ишаанхо.
Инеиҵыху аиҿцәажәара шәазыӡырҩыр шәылшоит аудиофаил аҿы.