АҞӘА, жьҭаара 18 - Sputnik. Агалереиа AUADA аатит Аҟәа асахьаҭыхҩы Олег Ҷедиа ицәыргақәҵа "Есыҽнытәи амистика" ала.
AUADA аԥҵан аковид аамҭаз, онлаин форматла.
"Онлаин-платформа анаԥаҳҵоз, сыцнапхгаҩы Диана Хынҭәԥҳаи сареи еснагь иаҳҳәон ҳагәҭакқәа зегьы рынагӡаразы уада хәыҷык азхоит ҳәа", – ҳәа лҳәеит агалереиа аԥҵаҩцәа руаӡәк аҟаза Аԥшьа Хагԥҳа.
Онлаин-платформа аус ауанаҵы, ара аԥсуа сахьаҭыхыҩцәа рцәыргақәҵақәа мҩаԥысуан, Амилаҭтә сахьаҭыхратә галереиаҿи Сҭампыли ҳәа азгәалҭеит Ҳагԥҳа. Иара убас, аиқәырхара зҭаху акультуратә ҭынхатә обиектқәа ирызкыз ацәыргақәҵагьы еиҿкаан.
Олег Ҷедиа исахьақәа еидызкыло раԥхьатәи ацәыргақәҵа абҵарамза 18 рҟынӡа имҩаԥысуеит.