АҞӘА, жьҭаара 22 - Sputnik. Урыстәылеи Аладатәи Африкатәи Ареспубликеи адунеи аҿы ииашоу аҭынчеиҿкаара аԥҵара иадгылоит ҳәа иҳәеит Урыстәыла ахада Владимир Путин. Абри атәы аанацҳауеит РИА Новости.
"Урыстәылеи ААР-и жәларбжьаратәи аренаҿы ииашоу ахырхарҭарацәатә аҭынчеиҿкаара аԥҵареи ашьақәгылареи рганахьала рҽазышәарақәа еидырҵоит", - ҳәа иҳәеит иара Аладатәи Африкатәи Ареспублика ахада Кирилл Рамафоса даниԥылоз.
Аҳәынҭқаррақәа рхадацәа злахәу БРИКС асаммит жьҭаара 22 инаркны 24 рҟынӡа Казан ақалақь аҿы имҩаԥысуеит.
БРИКС - 2006 ашықәсазы иаԥҵаз аҳәынҭқаррабжьаратә ассоциациоуп. Урыстәыла БРИКС ахантәаҩра азнауеит 2024 шықәса ажьырныҳәамза 1 аахыс. Ашықәс алагеит ассоциациа алахәылацәа ҿыцқәа реидыларала – Урыстәыла, Бразилиа, Индиа, Китаи, Аладатәи Африка рыдагьы, уажәы уи иаҵанакуеит Мысра, Ефиопиа, Иран, Еиду Арабтәи Аемиратқәа, Саудтәи Аравиа.
БРИКС аҿы Урыстәыла ахантәаҩра мҩаԥысуеит аглобалтә ҿиареи ашәарҭадареи рзы аганрацәа арӷәӷәара адевиз анапхгарала.