АҞӘА, жьҭаара 26 - Sputnik. Акоманда "Аԥсны" Зымаха-зышьаха еибгам рыбжьара ашьапылампыл маҷ азы жәларбжьаратәи атурнир аҿы аиааира агеит.
Аҵыхәтәантәи аиԥылараҿы Барнаул акоманда 5:0 ҳәа иаиааит. Кемеровтәи аспортсменцәа аџьаз медал ргеит.
Атурнир Аԥсны жәлар Рџьынџьтәылатә еибашьраан иҭахаз аԥсадгьыл ахьчаҩцәа ргәалашәара иазкын. Уи мҩаԥысит жьҭаара 23 инаркны 26 рҟынӡа. Ачемпионат аҿы еицлабуан Аԥсны, Кемерово, Барнаул, Новороссииск, Ҟрым ркомандақәа.