АҞӘА, жьҭаара 27 - Sputnik. "Аҟәатәи амарафон" 42,2 километра иҟаз аиԥхныҩлара хадаҟны аиааира згаз еилкаахеит.
Ахацәа рыбжьара раԥхьа днеит Курск инхо Артиом Маиоров. Уи 2 сааҭки, 25 минуҭи, 11 секунди рыла аҵыхәтәантәи ацәаҳәаҟынӡа днеит.
Аҳәса рыбжьара амарафон хада раԥхьа дахысит Москва амҵантәи Раменское инхо Ирина Шевченко. Лара иаалырԥшыз алҵшәа 2 сааҭки, 46 минуҭи, 44 секунди иҟоуп.
Иааидкыланы 700-ҩык рҟынӡа ауаа амарафон рхы аладырхәуеит. Sputnik Аԥсны аусмҩаԥгатә аинформациатә дгылара анаҭоит. Иара убас алахәцәеи, ақалақь анхацәеи асасцәеи рзы Аԥсуа драматә театр аҿаԥхьа еиҿкаауп арлахҿыхратә программа - афатәи аҩи рфестиваль, ахыци ахәымпали рыла ахысра, асааҭ 13:00 рзы - аконцерт.