Аҟәа Аибашьратә фырхаҵара амузеи аҟны иаатит Аԥсны абжьаҟазартә аоперациа 30 шықәса ахыҵра иазку афотоцәыргақәҵа "Голубые каски!". Ацәыргақәҵаҿы иаарԥшуп афотоҭыхҩы Владимир Попов иҟаиҵаз 50 ҭыхымҭа. Иара ашықәс нҵәаанӡа Аԥсни Урыстәылеи имҩаԥыслоит. Апроект авторцәас иамоуп ажурналист Руслан Ҳашыги афоторепортиор Владимир Попови.
Арадиоефир аҿы Ажурналистцәа Реидгыла ахантәаҩы Руслан Ҳашыг иҳәеит, ари Попови иареи иаԥшьаргаз аус шаку. Ҩныҵҟала иҳақәнагоу ауп, дара русура ҳбон, ҳацклаԥшуан, аамҭаказы аус рыцаҳуан ҳәа иԥхьаӡаны ҳалагеит, иазгәеиҭеит иара.
Иаҳа инарҭбааны аиҿцәажәара шәаҳар шәылшоит аудиофаил аҟны.