АҞӘА, абҵара 15 - Sputnik. Урыстәыла аекономикатә ҿиара аминистрра атуроператорцәа Аԥсныҟа атурқәа рыҭира ааныркыларц абжьгарақәа ҟанаҵоит. Абри атәы аанацҳауеит аусбарҭа Telegram-канал.
Урыстәыла аекономҿиара аминистрра атуроператорцәеи атуристтә џьармыкьа алахәылацәеи ирабжьаргоит атуристтә аалыҵ, Аԥсны аҭаара иадҳәалоу ааныркыларц. Ареспублика ашҟа аныҟәарақәа мап ацәкреи атуристтә аалыҵқәа рҭагылазаашьақәа рыԥсахреи рзы ахараԥсақәа рықәрымҵаларц.
Уажәаԥхьа урыстәылатәи адәныҟатәи аусқәа рминистрра абжьгара ҟанаҵеит урыстәылауаа аамҭала ареспубликахь аара рҽацәырыхьчарц, ара иҟоу агәҽанызаара аадырԥшырц, аилаҩеиласра ахьыҟоу аҭыԥқәа рааигәара имнеиларц, иалшозар атәыла иалҵырц.