АҞӘА, абҵара 16 - Sputnik. Апарламент аҿаԥхьа еизаз ауаа Аслан Бжьаниа аиҳабыра рхыбра идәылҵааит ҳәа ирзааицҳаз ажәа рыдрымкылаӡеит.
Идәылҵыр, ахада ԥхьатәара сцоит ҳәа шиҳәаз атәы ауаа ирыларҳәеит Аоппозициатә мчқәа ркоординациатә хеилак ахаҭарнакцәа.
Еизаз ауаа иара убас Аҩнуҵҟатәи аусқәа рминистр, Аҳәынҭқарратә шәарҭадаратә маҵзура ахантәаҩы, "Аԥсуа телехәаԥшра" анапхгаҩы рмаҵурақәа ирымхзарц адҵа ҟарҵеит.