АҞӘА, абҵара 17 - Sputnik. Аинтернационалтә бригада "Пиатнашка" адҵаҟаҵаҩ Ахра Аҩӡба аиҳабыреи аоппозициеи рыбжьара аиҿцәажәарақәа рыҽрылархәра дазхиоуп, аганқәа уи азы ажәалагала ҟарҵар.
Иара адырра ҟаиҵеит Аԥсныҟа дзааз ижәлар дрывагыланы ргәаанагара дазыӡырҩырц азоуп ҳәа. Аҩӡба инаҵшьны иазгәеиҭеит ажәлар шракәу дзыдгыло, дара иарбан гану изыдгыло дамыхәаԥшкәа. "Пиатнашка" адҵаҟаҵаҩ игәаанагарала, аоппозициа Урыстәыла иаҿагылоит ҳәа ирҳәо иашам, иҵаҵӷәыдоуп.
"Аԥсны Урыстәыла иҭабуп ҳәа анаҳәоит ҳсуверенитет аиқәырхараҿы иахьҳацхрааз азы, убри аҟнытә ҳара Урыстәыла даара ҳазыразуп, даҽакы ҟалашьа амам", — ҳәа азгәеиҭеит Аҩӡба.