АҞӘА, абҵара 17 - Sputnik. Аоппозициатә мчқәа ақәшаҳаҭхеит Аслан Бжьаниа ԥхьатәара дцаны, ахада ихаҭыԥуаҩ Бадра Гәынба ахада инапынҵақәа рынагӡаҩыс иааныжьразы иҟаиҵаз ажәалагала, убри аан Аминистрцәа реилазаара анапынҵақәа шьҭарҵозар, амчратә усбарҭақәа рнапхгаҩцәа ԥхьатәара ицозар.
Абри аҩыза аҳәамҭа ҟанаҵеит Акоординациатә хеилак ахада Иусбарҭа ахыбра аҿаԥхьа еизаз аҿагылаҩцәа рахь ицәырҵны.
Аоппозициаа ажәалагала ҟарҵеит аԥыза-министрс даҭазарц аҩганк ззааибаго, иааиуа ахада иалхрақәа рыламҭалаз анагӡаратә мчра аусура ҭышәынзыртәалаша ауаҩԥсы. Аҿагылара иалахәу ауаа аиҳабыра рхыбрақәа аанрыжьӡом Аслан Бжьаниа ԥхьатәара дцаанӡа.