Аԥснытәи аҳәынҭқарратә университет афилологиатә факультет аспирантцәеи арҵаҩцәеи рзы аԥышәа аизырҳаразы акурсқәа мҩаԥысит. Урҭ рҿы тема хадас иҟан абызшәеи акультуреи рыҭҵаараҿы ҳаамҭазтәи ахырхарҭақәа. Акурсқәа ирылахәыз рзы апрограмма шеиҿкааз, урҭ ирнаҭо аԥышәа ҿыц, русураҿы хархәашьас иаиуа атәы арадио Sputnik аефир аҟны еиҭалҳәеит аусмҩаԥгатә аиҿкааҩ, аурыс бызшәа акафедра адоцент, афилологиатә ҭҵаарадыррақәа ркандидат Фатима Дауҭиаԥҳа.
Аицәажәара шәаҳар шәылшоит аудиофаил аҟны хыхь.