АҞӘА, абҵара 19 - Sputnik. Аџьынџьтәылатә еибашьра Дуӡӡаҿы Аиааира агара 80 шықәса ахыҵра азгәаҭаразы аофициалтә логотип аӡыргара мҩаԥысит Москва, Поклоннаиа ахәаҿы.
Алоготип иануп абаҟа "Родина-мать зовет!", уи иаакәыршаны Гьаргь ицаха, иара убас "Аиааира" ажәеи арыцхә "80" рнуп. Алоготип ӡыригеит Урыстәыла жәлар рартист Владимир Машков.
Акрызҵазкуа ари арыцхә аламҭалазы иҷыдоу апроектқәеи акциақәеи еиҿкаахоит. Урҭ ирызкны еиҳау адыррақәа шәоур шәылшоит аофициалтә саит may9.ru аҟны.
Аибашьра ду иалахәын 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык инареиҳаны рышьҭахьҟа изыхнымҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит. Хҩык Аԥсны ауааԥсыра Ахьӡ-аԥша аорден акавалер нагӡацәа ҳәа ахьӡ иаԥсоуп.