Атәыла амчратә система иалагалатәу аиҭакрақәа арбану, иҟоу аполитикатә партиақәа рыԥсыҽра изцәырнагои агәҭынчымра, дзааӡатәуи ачынуаҩ, Аԥсны аҩныҵҟа уи ихаҭара ашьақәыргылара залыршахома, аполитикатә кризисқәа мзызс ирымои, абри азы арадио Sputnk аефир аҿы игәаанагара иҳәеит, Асоциал-економикатә ҭҵаарақәа рцентр аиҳабы, ауаажәларра-политикатә усзуҩы Олег Дамениа.
Аԥсуа еснагь хӡыргагас имаз ихьӡи ихьымӡӷы ракәын, иахьа аамҭа иаанагаз аҿыцрақәа анҳадаҳкыл, амал ҳашьҭалеит, ҳәа азгәеиҭеит аиҿцәажәараҿы Дамениа. Аҵарауаҩ игәаанагарала, Аԥсны алхратә закәан иалагалатәуп аԥсахрақәа. Дамениа далацәажәеит, ачынуаҩ иааӡараҿы аполитикатә партиа ароль атәы, насгьы уи хымԥадатәны изыиԥхьаӡо.
Инарҭбааны аиҿцәажәара шәаҳар шәылшоит аудиофаил аҟны.