Екатерина Бебиаԥҳа лфильм "Ҳабдуцәа рыдгьыл ахь амҩа ду" аӡыргара мҩаԥысраны иҟоуп Ставропольи Черкесски ақалақьқәа рҿы абҵара 21-22 рзы. Афильм аҟны еиҭаҳәоуп ауаажәларратә усзуҩы, Ставропольтәи атәылаҿацә абазақәа рмилаҭ-культуратә автономиа "Абаза" анапхгаҩы, АААК Иреиҳаӡоу Ахеилак алахәыла Армида Ԥсҳәы-Чагова лыԥсҭазаареи лабдуцәа ахьынхоз Аԥснытәи ашьхақыҭа Ԥсҳәы аҭааразы илымаз лгәаҳәара шынаӡази ртәы.
Афильм аҭыхразы ахшыҩҵак шлызцәырҵыз, аматериал шеизгаз, арадио Sputnik аефир аҟны еиҭалҳәеит ажурналист, афилологиатә ҭҵаарадырақәа рдоктор, апрофессор Екатерина Бебиаԥҳа.
Аицәажәара шәаҳар шәылшоит аудиофаил аҟны хыхь.