Абиологиеи абиомедицинеи рфакультет аҿы имҩаԥысуан иаарту амшқәа ашколхәыҷқәа рзы. Апрактика алахәылацәа ироуз аԥышәеи, аиԥш зеиԥшу аусмҩаԥгатә ҵакыс иамоу атәы арадио Sputnik аефир аҿы еиҭалҳәеит, абиологиатә ҭҵаарадыррақәа ркандидат, ААУ аботаникеи абна-нхамҩатә кафедра арҵаҩы Лолита Гергьиаԥҳа.
Хымчыбжь ашколхәыҷқәа 5-тәи акласс инаркны 11-тәи аҟынӡа ирыман алшара астудент иԥсҭазаара рагәыларԥшра, уи аԥшьган абиологиеи абиомедицинеи рфакультет адекан Лариса Ахәыба илыбзоураны, ҳәа азгәалҭеит аиҿцәажәараҿы Гергьиаԥҳа. Аусмҩаԥгатә рхы аладырхәит 100-ҩык инарзынаԥшуа арионқәа рҟынтә ахәыҷқәа, хықәкысгьы иамоу афакультет аҿы иҟоу азанааҭтә хырхарҭақәа ашколхәыҷқәа дырбара, агәыбылра дыркра, ҳәа лҳәеит ААУ арҵаҩы.
Инарҭбааны аиҿцәажәара шәаҳар шәылшоит аудиофаил аҟны.