Очамчыратәи "Ерцахә" ашьапылампыл азы Аԥсны Ахраҿа иаиааит. Акоманда ашьапылампыласҩы Михаил Қәҭелиа арадио Sputnik аефир аҿы еиҭеиҳәеит, араион ауааԥсыра зегьы рзы Ахраҿа агара ҵакыс иамоу, ашьапылампыл абзиабаҩцәа адгылара шрырҭоз, уи ирыднаҵоз аҭакԥықәра, насгьы "Қәҭелиаа реидҳәалара" захьӡу, асезон зегьы рышҽазыҟарҵоз.
23 шықәса афинал ахь ҳамнеиӡацызт, ҳнервқәа зегьы астадион аҿы иаанҳажьит, ҳәа азгәеиҭеит аиҿцәажәараҿы Қәҭелиа.
"Очамчыра зегьы ҳиааира иазыԥшын. Имаҷҩымкәа Аҟәаҟа иааит ҳахәмарра иахәыԥшырцаз. Иҟамзар ҟалап Аԥсны ашьапылампылтә команда афан-клуб змоу ҳара ҳеиԥш. Дара ауаа еизыргоит, ашьампылампыл атрибутқәа аахәаны астадионқәа рахь инеиуеит. Уаныхәмаруа, атрибунақәа рҿы ус ианубалак, уи угәы шьҭнахуеит", - ҳәа иҳәеит Қәҭелиа.
Инарҭбааны аиҿцәажәара шәаҳар шәылшоит аудиофаил аҟны.