Иарбан еиҭакрақәоу Аԥсны Аконституциа иаҭаху аполитикатә аԥсҭазаара ҭышәынтәаларцаз, абри азы арадио Sputnik аефир аҿы ргәаанагарақәа еибырҳәеит, Апарламент V-тәи аилатәара адепутатс иҟаз Ахра Кәакәасқьыр, аамҭаказы Адәныҟатәи аус рзы аминистр ихаҭыԥуаҩс иҟаз Зураб Смыр, иара убас, Аԥснытәи Аҳәынҭқарратә университет арҵаҩы, азиндырҩы Ефрем Ҳагба.
Адырраҭара "Аҳәатәи аҳәашьеи" амҩаԥгаҩцәа Инал Лазбеи Елеонора Коӷониаԥҳаи аполитикеи, акультуреи, асоциалтә ԥсҭазаареи ирыдҳәалоу азҵаарақәа ганрацәала ирылацәажәалоит. Арадио Sputnik Аԥсны астудиахь иаарыԥхьалоит еиуеиԥшым азҵаарақәа рзы зхатә гәаанагара змоу аполитикцәа, аусдырыҩцәа, ауаажәларратә усзуҩцәа. Адырраҭара ишиашоу ицо аефир аҿы есԥшьаша иҟоуп асааҭ 13 инаркны 14-нӡа.
Аицәажәара инеиҵыхны шәазыӡырҩыр шәылшоит аудиофаил аҿы.